КЛИМЕНТ АНГЕЛОВСКИ ТРИО – INQUISITION
- инквизиција на сетилната и мисловната удобност –
Удобноста во уметноста, генерално, ретко, речиси никогаш не е, истовремено, и двигател кон промени, прогрес и (себе)надминување. Никогаш развигор на „чудесното ново“. Преиспитувањето, сомнежот и експериментирањето се трите, некогаш докажани и како клучни, фактори кои ги менувале и ќе ги менуваат уметничките дискурси, отвораат нови, прогресивни естетски видици, а со тоа и нови поимања и гледишта на светот. Уметноста, заедно со науката, се двете движечки сили кои перманентно го менуваат светот. Во ништо од ова не е исклучена музиката, особено како веројатно најчиста уметничка експресија и форма.
Форма која во добра доза, иако никогаш доволна, го дефинира и еден мал агол од нашиот општествен македонски микросвет. А кога станува збор за музичка експериментална форма која поместува граници во оваа наша формална, но сигурно не и духовна маленкост, меѓу неколкуте, се издвојува и џезерската дразба „INQUISITION“ на Климент Ангеловски Трио.
Со добра доза на „разлетани“ џез индивидуалности, кои на подлабоко ниво следат една заедничка музичка константа (линија), ова парче музика не ја преиспитува можноста „колку ќе се издржи“ во слушачкото искуство на истото. Напротив, суштински задира во прашањето за начинот како ќе искуси оваа музичка „инквизиција за удобноста на сетилноста и мисловноста“. И секогаш различно доживеано токму поради повеќеслојната димензија на неговите комплексни музички пораки. Пораки кои се осознаваат и допираат до нас секогаш различно и од друг аспект, благодарение на експериментално дисторзираните делници кои чувствата и мислите одново ги водат во различни димензии. Димензии кои често заминуваат отаде удобноста во восприемањето и доживувањето, во „неподносливоста“ на искуството како една повеќезначна иницијација на духот. Иницијација во откривањето на „новото убаво“ преку раслојување на неудобноста. Надминување на удобноста која дури и во уметничкото искуство со себе носи добра доза на ризик и можност за креативна и естетска умртвеност на духот. Не умртвеност на чувството за убаво, туку на поривот и потребата за потрага по негови нови, свежи форми. Умртвување на желбата за нова, жива и свежа убавина во рамки на една естетска целокупна дефинираност на животот, воопшто. Убавина која не така ретко знае да ја таи својата избувливост токму во „несовршеноста“ на формата која ги дразни чувствата.
Кој има потреба од такво интензивно и повеќекратно лично преиспитување на настројбата, зачинето со префинето брусење на карактерот и естетиката, во никој случај не смее да го одбегне и одмине предизвикот за исправеност на своето јас пред „инквизицијата“ на Климент Ангеловски Трио. - Еленин
credits
released September 3, 2018
Kliment Angelovski [guitar]
Gjorgji Serafimovski [accordion]
Mihail Parushev [percussion]
Recorded in winter 1996, at Ohrid by Vladan Drobicki
Mixed and mastered by Vladan Drobicki
Design by Filip Bukrshliev
_____________________________
Published by PMG Jazz
Format: CD / Digital audio
PMGJazz is a division of
PMG Recordings DOOEL
„Mito Hadži Vasilev – Jasmin“ 14/16
1000, Skopje
Republic of Macedonia
PMGJazz.. let's say:
fresh, authentic Jazz suburbia you need to visit for an unexpected quality.
We unearth unreal
talent and offer it to your intelligent ears.
Jazz
World
Contemporary
Uncharted
We concert every release, we dynamic, we hungry.
+
Kraj Vardarot Jazz
Annual festival
Skopje
North Macedonia
The seventh full-length from De Beren Gieren walks the line between spooky library music and free improv, shapeshifting constantly. Bandcamp New & Notable Apr 12, 2024
South African tenor sax player threads a transportive jazz tapestry alongside talented players from either side of the Atlantic. Bandcamp New & Notable Apr 11, 2024